熱門球隊分別已經出場了，沒有甚麼大驚喜。除法國令球迷失望外，其他都總算響了頭炮，踢得比較好就只有意大利同捷克啦。至於巴西就要面對箭頭冇態的問題。朗拿度同阿袓安奴交唔到貨，希望接下來的第2輪分組賽，會更加精采啦！
今晚頭場厄瓜多爾對哥斯達黎加。厄瓜多爾只要拚命戰勝對手，應該可以穩入16強，今晚自然不勝無歸。如果順利，餘下對最後一場對德國將變成例行公事。
哥軍攻不銳守不穩
厄瓜多爾整體球員發揮相當平穩，尤其防守時互相補位的貼身攔截，令對手難於起腳。最重要係離開高原的不利因素似乎並不存在。前線卡路士坦奴利奧同迪加度，走位靈活能傳擅射，守衞難於應付。反觀哥斯達黎加的弱點已表露於首戰，攻不銳守不穩；單箭頭的雲祖柏今次遇到的唔再係德國的防線，入波成疑，相信厄瓜多爾可淨勝兩球。
唯一隱憂就係「燈神周鵬」嘅魔力啦！如果想得到指引，就要記住留意《雷霆881》今晚8點嘅《長傳急攻一粒鐘》啦！
村長
商業一台《長傳急攻一粒鐘》主持
播放時間：今晚8:00pm-9:00pm