【本報訊】變靚D纖體美容有限公司連日來一直否認向客人處方禁藥，衞生署早前正式採取行動，到該公司的分店搜查，證實找到懷疑未經註冊的藥物「Satamin」，疑含西藥西布曲明（Sibutramine）成份。衞生署表示，若事件屬實，會採取法律行動，並會將有關個案轉介醫務委員會。
早前向本報投訴、曾參加變靚D代言人計劃的阿君，得悉衞生署的行動後，再次呼籲其他受害人不要再沉默，「要我簽份（變靚D提供的）同意書，攞番啲賠償好容易，但係我知道唔止我一個受害，唔止影響緊我一個人嘅健康，所以我先企出嚟，唔想俾佢哋啲強權得逞！」
已有多人出現不適
衞生署發言人證實，署方本月採取行動，在變靚D其中一間分店找到懷疑未經註冊的藥物「Satamin」，疑含西藥西布曲明成份，若事件屬實，衞生署會採取法律行動，發言人又指，暫時未知事件是否涉及醫生，可能會將有關個案轉介醫務委員會。西布曲明會令服食者血壓上升及心跳加速。
據多名投訴人向本報提供的資料，該公司多次向客人處方被禁作減肥用途的替拉曲考（Tiratricol），以及多種已證實對心臟有影響的藥物，而且藥包的標籤不清晰，醫生也沒有向病人清楚解釋藥物副作用，至今已有多人出現不適。
香港醫院藥劑師學會藥物教育資源中心教育總監崔俊明認為，要徹底杜絕纖體中心胡亂處方減肥藥的問題，最重要是立例規定所有藥物要使用同一學名，不要用品牌名字，「仲有就係醫藥分家，由另一個專業負責監管，纖體公司畀錢請醫生，可以搵佢哋做擋箭牌，但有埋藥劑師，多一個專業，就冇咁容易亂嚟。」
阿君說，當初參與代言人計劃，變靚D的顧問游說她付五萬多元，「個數目都幾大，擔心佢無喇喇foul（淘汰）咗我，到時就攞唔番啲錢，但係佢太有技巧，同你好似好friend咁，係咁叫我『放心啦，我哋上巿公司嚟嘅』，令我好信任佢哋。」她到附近的財務公司借錢。
停藥之後食乜嘔乜
服藥期間，阿君曾試過停經，當時公司的「修身顧問」解釋為新陳代謝不好，「佢哋講乜，真係千祈唔好信，會害死你，你上親去佢都讚你靚，嗰啲心理治療師就叫你每日照鏡，每朝諗自己瘦咗之後點靚，根本就冇用。」阿君又說：「我好擔心啲人繼續療程，佢哋𠵱家冇事，停咗藥就知道犀利，個人又凍、胃氣又脹，食乜嘔乜。」