女子組合Krusty昨日任新城電台節目嘉賓主持，她們請了葉佩雯（Grace）做嘉賓。三人昨日凌晨有收看巴西對克羅地亞的賽事，Grace說：「呢排我睇球賽搞到好夜瞓，皮膚都差晒，好似睇完噚晚嗰場真係好眼瞓，好似冇咗靈魂。」
葉佩雯續說：「有朋友畀咗兩張世界盃嘅飛我睇，真係好吸引，但呢排我要出碟又要拍MV。我有諗過睇完先算，不過冇理由唔理啲工作，希望個朋友暫時唔好畀飛人，等我考慮吓。」
大懵忘戴Bra
另外，Krusty的活己嵐睇波搞到烏龍百出，她說：「今朝我差啲起唔到身，我瞓嘅時候冇戴胸圍，趕住出門口都唔記得帶番，差啲搞到『飛釘』。」張詠恩則說：「我啲朋友好似魔鬼，邊睇波邊叫我食嘢，好在公司叫我增肥啫。」
採訪、攝影：胡比