德國對波蘭呢場賽事,我梗係睇好擁有主場之利嘅德國,佢同波蘭都係歐洲隊,大家踢法都類似,所以德國都應已掌握到對手嘅虛實。 加上中場波歷克復出,佢係全隊波嘅靈魂,對於輸贏好有決定性,德國隊嘅中場好強,只係後衞比較弱,但有過揭幕戰對哥斯達黎加嘅經驗,佢哋俾主場球迷柴台柴到嘔,所以睇嚟呢場同波蘭對壘,德國隊一定要搏晒老命。 最後,我估計德國隊都唔會贏得多,就2:1吧!