地產代理企業化咗咁多年，好多嘢都今非昔比，淨係講在職培訓都已經好有系統，𠵱家每間代理行隨時每個月都有培訓班，好似美聯喺上個月中，就搞咗個「劇變」課程，有份參與嘅包括40個精選前線主管，同埋4個後勤人員，正式入營培訓，課程主題係企業團隊精神，以團隊遊戲、分享心得等活動，激發同事們嘅潛能、認識自我、發揮長處、接納自己......（下刪數百字）而呢班精選主管，喺早前嘅6月份主管月會上面，同其他300位主管分享入營感受，當然唔少得多謝公司畀機會，等佢哋燃起工作熱誠、完善管理技巧......（下刪數十字）
至於同一個阿爸嘅香港置業，佢哋就將焦點放咗喺將軍澳，為應付未來幾年陸續推出嘅大型項目，會針對性咁幫區內員工進行特訓，培養佢哋成為將軍澳專家。