【本報訊】纖體公司電視節目中身材苗條的代言人,每晚「轟炸」觀眾,但原來美麗背後是另一個醜惡的故事。一名曾參加變靚D纖體美容有限公司減肥代言人計劃的女子向本報投訴,服食該中心處方的藥物後,出現心悸、手震、嚴重腹痛及下瀉;經查證後發現,她服用的藥物名單中,至少一種沒有在港註冊,一種只是外用皮膚抗菌藥。有醫生質疑該公司故意錯誤標籤,企圖隱瞞藥物的影響;準代言人則呼籲其他受害人不要沉默,應挺身而出採取集體法律行動。
投訴人阿君今年33歲,她向記者稱,今年二月在雜誌上看到變靚D招募代言人的廣告,於是應徵加入代言人行列,付了2,100元訂金,再以分期付款方式,清還尾數51,900元,目標是減去54磅。該公司承諾,若達到目標就會退回所有款項。阿君隨後替公司拍攝「減肥前」的相片,並預備八月出席電視節目。
開多種藥物有未列名
夢想當代言人的阿君,美夢迅速破滅。向記者講述過去四個月險死還生的減肥經歷,她在攝氏30度下仍穿着外套,額角不停冒出冷汗,過去整整兩個星期已沒上班。
阿君獲變靚D公司醫生處方多種減肥藥物,此外還有去水丸、通便丸、胃藥、安眠藥,以及名為Satamin及Triacin的藥物,「仲有一隻藥上面無寫名,佢死都唔肯講係咩藥嚟,淨係話食咗會新陳代謝快啲、好啲,我話唔知係咩藥我唔會食㗎喎,佢話你係公司代言人一定要食。」
阿君首月就減去十磅,四月開始卻出現不適,「我覺得個心跳得好快,口乾同失眠,但係(變靚D)個醫生淨係開啲安眠藥畀我,又話適應期係咁,嗰啲唔係副作用,係化學作用。我覺得好緊張,好似成日運動緊咁,忽冷忽熱,手震又出汗,佢畀我嘅餐單我都跟唔到嚟食,因為食咗啲藥,嘔返晒啲嘢出嚟。」
阿君感覺整個人虛脫,向纖體公司反映情況後,獲安排同時服用中藥,但嘔吐及腹瀉加劇,她提出中止療程,「佢係咁叫我減,完全無理我講嘅嘢,係咁叫你食藥,佢同我講,如果中止療程唔會退番錢,到時前功盡廢。」
鏡頭前要說減得健康
身體極為虛弱的阿君,因減磅速度快,五月中獲娛樂圈名人蕭若元接見,並晉身代言人300強,「佢哋要我講一段稿,講我以前減肥嘅慘痛經歷,𠵱家點樣減得好健康,好開心、點舒服、點靚法,我真係講唔出!」阿君表示,結果她因為不願意講「故事」而被「叮」出局,加上身體不適,決定停藥,但向該公司追討賠償不果,「佢仲要無稽到叫我轉plan,refer啲客畀佢,refer到一個就退返千五畀我,我已經搞成咁,仲害我啲朋友咩?」阿君現時只可以吃米粉或流質食物,她希望其他受害者可一致行動,「我無可能唔公開呢件事,我自己個心都唔安樂,如果佢顧我嘅身體,我根本唔會咁做,但係佢哋簡直係罔顧人命。」
衞生署發言人表示,「Satamin」並沒有在港註冊,根據《藥劑及毒藥條例》,出售未經註冊藥物屬刑事罪行,最高罰款港幣十萬元及入獄兩年,而「Triacin」只註冊為外用藥膏用途,含抗生素,用作殺菌及防敏感。
消費者委員會副總幹事劉燕卿表示該會過往也收到不少纖體代言人的投訴,她提醒有意參加者要問清楚。變靚D上周被本報踢爆處方可致命減肥藥替拉曲考,該公司由蕭若元之姊蕭若慈管理。