劉德華昨日出席商台活動，兩位主持與一位聽眾分別扮演華仔在電影中不同角色的造型，華仔親自為各人整理頭髮，務求更為神似，當他為男聽眾將所有頭髮撥向後時，忽然說：「你撥起咪仲好睇！」令全場大笑。
劉德華昨日出席在商台舉行的「空中喱民之劉華王」活動，兩位男主持阿喱與詹志民分別以華仔電影《龍在江湖》與《黑馬王子》中的造型出現，還有一位聽眾經過多輪比賽後，最後成為能與華仔相見的「劉華王」，他更即場露兩手，模仿華仔的唱腔，連華仔都讚似。
紅皮褸赴會
獲封為劉華王的男聽眾以華仔的雷洛造型出現，但華仔摸不着頭腦，不禁笑問：「請問你扮幾多歲嘅雷洛呢？」而為求令三人的造型更神似，華仔親自為他們整理髮型，當他幫劉華王將頭髮全部撥後時竟笑說：「你撥起咪仲好睇！」引來全場大笑，華仔也特別穿上紅色皮褸配合是次活動，他說：「我仲以為實有人扮刀仔（電影《賭俠》中的角色），等我仲着件紅色皮褸，諗住比較吓。」
絕食影靚相
華仔最近忙於為新碟錄音及影相，他表示唱片以聆聽世界的各種聲音做主題，其中一輯相攝影師要求他裸着上身，好像從戰場中走出來，希望帶出反戰訊息，為了這輯相，華仔絕食兩天，他說：「就係因為最近啲人成日同我講肥啲好睇啲，所以我就放縱自己，但拍呢啲相，我梗係想有好嘅身段先影啦，咁惟有唔食嘢，連水都唔敢飲，個人乾啲，影相好睇啲。」
採訪、攝影：胡比
