睇波飲啤酒本來好平常，但飲啤酒都可以順手牽羊？在荷蘭就發現有大批啤酒箱不翼而飛，喜力啤酒發言人就認為，可能係球迷偷去用作新家具之用。球迷心態永遠難以捉摸，於是有人覺得，啤酒箱可能會用作睇波派對的座位，而搞一個派對，保守估計需要幾百個啤酒箱。這班球迷都算鬼馬，但就難為啤酒商的荷蘭區負責人要捱鬧。