世界盃舉行到第6日，氣氛愈來愈濃厚，德國電視台「2哥」ZDF電視，喺柏林嘅SonyCentre舉辦咗一個世界盃攤位，入面有嘢玩，又有直播球賽，連我自己都忍唔住玩埋一份。
當中最受歡迎嘅係攀石同埋「射龍門」，攀石玩法似長洲搶包山，爬上去搶得最多足球就算贏；但我自己最鍾意玩射龍門，平時見人射龍門就好易，但其實都幾難玩，自己玩咗幾次，但無一次射得入龍門。
柏林雖然係德國首都，但喺世界盃期間就暫時變咗做一片「黃海」，事關先前上演巴西對克羅地亞賽事，球迷早就到達幫巴西打氣，隨處可見清一色嘅「黃衣分子」，氣氛非常濃烈。
而自己呢？綠色是我的幸運顏色，當然買件巴西T-Shirt應吓景啦，至於傳統嘅黃色衫，我都會買㗎，希望可為巴西帶來好運啦！
袁彩雲
無綫世界盃直擊主持