全城熱爆睇世界盃，無論商場、酒吧都人頭湧湧睇直播賽事，亞視直播揭幕戰亦錄得近年來罕見的雙位數收視紀錄，而獲得獨家直播權的有線，其收視點數卻不升反跌，與四年前日本和韓國主辦時的收視相比，跌幅近五成。
根據無綫、亞視和有線共同委託的CSMMediaResearch收視調查報告顯示，亞視於上周六凌晨播出世界杯揭幕戰德國對哥斯達黎加，平均收視11點（約71萬觀眾），最高收視達14點（約90萬觀眾），昨日在亞視總台舉行祝捷會，藝員袁文傑、陳展鵬與張嘉倫，還有一班參賽的世界妹及高層關偉與葉家寶等也有出席。
決賽出水着妹
一班藝員與世界妹得知收視理想都非常興奮，袁文傑、陳展鵬與張嘉倫更將世界妹抱起，玩作一團，袁文傑竟說：「我哋有專業嘅評述員，又有羅家英、黃日華等做嘉賓，幾咁專業，隔籬台（指有線）請啲頭腦簡單嘅人睇波，所以係差啲嘅。」
而葉家寶表示決賽直播當日（下月10日凌晨2時）將會要求世界妹穿上水着，希望在開波前能吸引多些觀眾，亦會邀請不少嘉賓一齊睇波。
商場奇招搶客
相反，力谷世界盃節目的有線電視，上周六凌晨直播揭幕戰德國對哥斯達黎加，平均收視只有1.8點，約12萬觀眾，跟2002年日本和南韓主辦世界盃時，揭幕戰法國對塞內加爾錄得平均5點收視相比，足足少了21萬多觀眾（02年三台委託ACNielsen作收視調查，每點觀眾人數為65,810）。至於有線世界盃台周六晚播映的英格蘭對巴拉圭賽事，平均收視亦只有3點，約22萬觀眾捧場。
據業內人士估計，有線世界盃收視調查低開，主要原因是觀眾睇波口味有變，由於各大小商場今年也以直播世界盃賽事作招徠，觀眾遂到商場睇波，一起湊熱鬧更來得過癮，由於商場觀看直播的人數未有計算在收視數據之內，至令有線收視不升反跌。
對於世界盃收視下跌一事，有線發言人盧先生昨回應說：「根據我哋自己得番嚟嘅數字，其實同上一屆相差無幾，加埋今屆商場睇波人數數以十萬計，整體嚟講係多過上一屆㖭。」
採訪、攝影：林妃、胡比
