日前本報拍得梁思浩（右二）喺中環拖住貌似李蕙敏嘅女伴行街，事後李蕙敏話相中人唔係佢，但之後佢睇番報紙，至知自己擺烏龍，李蕙敏噚日同馮仁昭講：「嗰個係我嚟嘅，嗰日我食咗藥臉腫啫，我記得當時同佢傾偈傾得好開心，咁啱條路好凹凸，佢拖住我行，冇咀，係細細聲講嘢，我萬二分唔願意同佢傳緋聞，係絕對冇可能。」