銀狐納比喺球壇係出咗名嘅靚佬教練，之前帶祖雲達斯贏聯賽時都冷靜如冰，但前晚意大利入波後，佢就一反常態，不單止振臂歡呼，仲大叫「Yeah，得咗」，真係有啲令人詫異。不過，今屆銀狐帶意大利壓力真係好大，開波前先整單假波醜聞，真係搞到佢吃不消，所以呢場贏波對球隊、意球壇同佢都非常重要，所以佢先唔理平日嘅斯文形象，放聲吶喊！