周一美國對捷克喺蓋爾森基興舉行，賽前個球場「懶係」閂埋天頂個蓋，諗住益吓電視機面前嘅球迷，睇波唔使受陽光陰影影響。不過本身有冷氣裝置嘅森基興突然冇冷氣供應，閂埋個蓋同「蒸籠」冇分別，仲害苦一班現場球迷焗桑拿。做球員梗係覺得熱啦，睇吓尼維特佢哋踢到件件波衫都凸晒點就知熱，如果係英格蘭球員仲有得淨？肯定成班女球迷撲晒出去。