台灣組合F4成員言承旭同台灣名模林志玲嘅緋聞疑幻疑真，志玲上年喺大連墮馬，言承旭低調飛往陪伴，其間又傳過言承旭對志玲愛護有加，又買狗仔相贈，𠱁到女方好開心。不過，志玲日前喺內地錄影節目時，主持播出一段言承旭早前錄影綜藝節目嘅談情片段，志玲突然喊起上嚟，唔通佢哋嘅關係出現裂痕？
「號碼牌都沒拿到」
當時志玲喺節目度見到言承旭嘅談情片段時就話：「對我來說，如果真的有對象，當然希望帶給媽媽看。」點知話口未完，啲眼淚就係咁標，哭個沒完沒了，搞到主持一頭霧水。
主持事後追問志玲言承旭有冇追求佢？志玲就話：「那時候真的沒有啊！」咁志玲有冇主動向言承旭出擊呢？佢又話：「我追他？我就連號碼牌都還沒拿到，太多女孩子喜歡他了。」志玲呢番酸溜溜嘅說話，好似妒忌言承旭係萬人迷，好多女人埋身咁。
對於志玲為言承旭落淚，佢嘅廣告經理人Sammy否認：「這應該是節目剪接的關係，拜託！兩人是朋友也都有聯絡，為何要現在哭？」