【記者馮婉嫺報道】世界盃熱潮難以抗拒，校長教師千方百計不讓球賽打亂學生應付期考。大埔靈風中學積極面對世界盃誘惑，索性陪學生睇波，又大搞球賽及講波比賽，並邀請甲組球員示範球技，實行寓娛樂於教育，把握時機讓學生全方位學習。
欲過足球評述員癮
靈風中學不惜斥資五位數字申請有線電視，放學後在飯堂播放球賽精華片段。負責錄影的足球隊老師王sir表示：「間間學校都覺得世界盃好大件事，驚住學生掛住睇波唔溫書，淨係叫佢哋夜晚唔好爬起身睇做法太消極，所以我哋索性安裝有線，陪學生睇，叫佢哋睇完就俾心機讀書。」
學生對此安排甚為受落，王sir笑言：「星期一有幾十個同學睇，聽日（今日）重播巴西片段，好多同學係巴西擁躉，提醒我記住錄影。」該校希望以「望梅止渴」方式，讓學生平穩過度兩星期考試。他表示，世界盃開鑼至今，缺席及遲到率未有明顯上升。
就讀中六的安仔、龍仔和豪仔是學校足球隊中堅分子，見學校用心良苦，乖乖回校看精華片段，加上分組賽未到高潮，得知比賽概況已足夠。不過期考後解除束縛，他們不會放過重要賽事。除睇波踢波，安仔三人欲過足球評述員癮，他們已組隊參與評述員比賽，王sir請來資深體評人鍾志光示範講波教路，安仔會把握機會偷師，誓要成為「阿叔（林尚義）接班人」。