我姓吳，喺牛頭角住17年就幫襯足「蘭香園」17年，唔講唔知佢開業37年，有我一半咁大囉！我朝朝早都喺呢度飲杯咖啡歎番個早餐先安樂，佢哋嘅三代同堂腸粉一流，入口夠晒滑溜，連喺附近做嘢嘅Mancy都讚不絕口，話佢哋少鹽少油啱晒街坊口味喎。見慣見熟十幾年，同啲夥計好似一家人咁，廚房阿棠哥仲不時睇書進修營養學，間唔中就度吓新菜式保持新鮮感，所以附近好多老人家都鍾意嚟撐場㗎。
三代同堂腸粉$22
把特大虎蝦蝦仁、蝦米、蝦子三種不同形態的蝦放入腸粉，製成三代同堂腸粉，集齊香軟滑口感。
紅酒木瓜繪牛尾細$38
番茄加紅酒燜牛尾，味道清香，木瓜含酵素令牛尾更軟腍入味，連中間的牛骨也充滿醬汁，非常惹味。
熟客Mancy：「食早午餐必到，當正呢度係飯堂，雖然係茶餐廳，但勝在夠乾淨，小菜又好食。」
蘭香園（23896443）地址：牛頭角牛頭角道273-275號地下