無時間快快睇
某天試車時，手提電話不斷唱着《愁人節》的其中一段：「街裏愛人一對對，互送鮮花千杯不醉……」，接聽後聽筒另一端傳來編輯的聲音，他問我為何要安排謝安琪（Kay）跟DaihatsuCopen1.3走在一起，我的答案很簡單，就是大家也是Sell年輕跟實力，聽罷後他就恍然大悟般說一聲「知道」，便掛了線。
跟Kay做訪問的日子，當她看到一身鮮黃色Copen1.3在眼前出現時，面容上實難掩興奮之情，而且急不及待圍着車子走了數圈，還坐進車廂細看一番。她對Copen1.3這部小型開篷跑車的評價是夠Cute，最適合像她一樣可愛的女孩子，駕着它開着篷走到街上，定必令路上所有人向她投以艷羨的目光；看來Kay不但跟你唱《我愛茶餐廳》，說不定在往後的唱片中，會出現一首叫《我愛Copen》的歌曲！
Kay評語：「部車不論內外、線條都好圓渾，好Cute之餘仲好襯，1.3公升DVVT引擎都好夠力；缺點是門邊鏡的面積細了點，要察看車後交通情況會有點難度。」
記者：鄭達基
攝影：何家亮
Hair：Jobby@HairPeace
MakeUp：JoeWong@Joe'sImage
車評慢慢刨
造型：線條Cute黃色Sharp
訪問前，整天下着雨，訪問地點改在室內，初時還怕會掃Kay的興，剛好相反，當代理的工作人員將車駛進拍攝場地時，她已目不轉睛地看着它，車子停下來時更急不及待繞着車子走了數圈，向我逐一道出她愛Copen的那個部份。
「我揀車除咗要有慳油呢個重要元素之外，賣相夠Cute同車身嘅顏色配搭都係考慮因素之一，Copen1.3就啱啱Fit晒我要求！原因好簡單，部車有流線嘅車身線條，令它望落酷似部縮水保時捷跑車，車頭大燈加埋好似梯形嘅鬼面罩，望落去十足1個小朋友對住你笑咁，好得意；另外，全黃色車身又夠Sharp，不論乘客或駕駛的人，看到都會開心啲。可惜吖，如果唔係落雨嘅話，我都可以開住篷同你去遊吓車河，因為我覺得咁做一定好Free、好自在。」Kay笑着說。
車廂：內外襯晒色 門邊鏡細了點
我曾擔心Kay會否嫌它空間狹窄，坐得唔舒服，但她的答案卻是：「唔係吖，好闊呀！」真的嗎？我才不相信；既是如此，我決定將篷頂關上，看看她仍會否說車廂空間好闊落！「哈，我諗關咗個電摺硬頂之後，一定會有侷促感覺，但係我完全Feel唔到喎！而且我仲覺得2張跑車桶椅，坐落去嘅感覺好舒服，連頭部承托都照顧埋，椅後嘅風擋仲可以令到我唔使再怕行車時產生嘅亂流，吹亂啱啱Set好嘅髮型。」
此外，設備配搭又是怎樣呢？「MOMO跑車軚環好揸手，而冷氣風口同錶板都係用圓形嘅設計，好襯部車個Look之餘，原來仲有埋銀色框邊，我最鐘意都係黑黃2色作配襯嘅車廂色調，夠Sharp又夠型。」讚美過後，當然是批評的時候，Kay認為門邊鏡的面積略為細了一點點，因而令駕駛者察看車後情況有點難度，而某些設備（如霧燈）的控制鍵，在行車時要使用實在不容易。
機械：夠Power 易Handle
拍攝過後，Kay終試駕Copen1.3的滋味。路線由北角代理的大本營作起點，沿路前往鰂魚涌，再接東區走廊返回起點。「在試車的路程上，我發覺到嗰台1.3公升引擎幾好力，運轉時又好靜，而5前速手波都唔難控制，就算好似我呢啲揸咗自動波車好耐嘅人，要上手一啲都唔難，最重要係佢轉向輕盈，縱使係弱質纖纖嘅女士，都可以應付自如。」有咁好嘅SellingPoint，難怪Kay會話Copen1.3好啱少女車迷啦！
DaihatsuCopen
1.3規格
引擎：1,298c.c.直4DOHC
馬力：87ps/6,000rpm
扭力：12.2kgm/4,400rpm
傳動：5前速手波，前輪驅動
查詢：皇冠汽車（24766138）
車款長青，少轉款，攤長供車有着數，其中4年息最抵。
車價：$179,820
牌費：$4,012
保險：$14,640（0%NCB）
出車總計：$198,472
首期：$19,848
利率：5%
每月供款：$4,466×48期
（以HP計算及只供參考）