我哋唔係玩，係好認真咁試BB車，BB車講求方便同安全，阿媽急起上嚟，摺埋架BB車就上車，一般BB車收摺動作複雜，而且大大嚿咁，往往要車尾箱預留1大個空位。
Combi好輕，收摺動作只係按個掣、再摺就完成，試一個下午，阿媽一定控制自如。加上呢部BB車摺起後好細部，可以攝響車廂任何角落，唔使下下去尾箱搞一餐。
安全方面，你試吓伸個頭入BB車裏面，原來BB嘅座姿竟然同F1差不多。Combi有全車避震、5點式安全帶、特大座位，吸震頭枕等，性能唔差，阿媽見彎入彎，亁淨利落；為咗可以試真啲，仲特別搵咗個辣妹試車，連佢都話易操控又夠安全舒服，車價係$3,680，BB車級保時捷，差唔多喇！
全車避震做到足
私家車就話有日本同歐洲之分，BB車一樣各有特點，要有上等的操控，和真的跑車一樣，輕量就是一切，而Combi就以車輕出名。
日本車較輕盈，歐洲車以舒適為主，Combi除外形夠流線輕盈外，座位空間亦比一般寬敞，最大特點是全車均用上吸震物料，加上車轆四條軟避震同吸震頭枕，行車順暢又夠靜，性能拍得住歐洲車！
香港道路要急彎操控好
最舒適的行人路標準，是每個行人佔行人路上1平方米的空間，但香港根本做不到（但歐洲可以），還路窄彎急，間中又要走入旺角通菜街或減價的百貨公司，所以阿媽們最好選擇些操控好，而急彎不易反車的BB車。
記者：黃婉冰
攝影：林栢鈞
Model：Vicky
售賣點：西田百貨
電話：26941111