多哥可稱得上是塞內加爾的化身！
多哥同塞內加爾有甚麼共通點？首先是小組同樣與法國同組，其次曾經係法國殖民地。大家仲記得上屆法國點樣被塞內加爾擊敗？塞軍點樣殺入8強？真是好希望多哥為我哋帶嚟驚喜！
多哥迎戰南韓，牌面上南韓絕對佔優，因為多哥班球員為咗獎金，隨時搞罷踢，多哥自亂陣腳！相信以上觀點都係球迷心聲，將會一面倒支持南韓。
南韓失地利難有作為
不過，我認為當今足球，非洲力量將會抬頭！我力撐非洲隊。更重要係南韓失去主場之利，球證唔會再「偏幫」，中立場，多哥未必輸！外圍賽曾經以3:1大炒塞內加爾兼以10戰7勝的成績殺入決賽周，單憑呢個戰績，已足夠球迷留意。
多哥仍有唔少古老部落，仲有巫術，而國內首席巫師拿布朗度三世經已作法，佢話南韓實輸！以上有理性分析，亦有迷信說法，信不信由你！當然，講邪，小弟提供頻頻開對家，今晚力撐多哥，結果會點呢？我諗大家識做嘅。
周鵬 商業一台《長傳急攻一粒鐘》主持
今日播放時間：8:00pm-9:00pm