鍾嘉欣、蒙嘉慧、楊秀惠及李思欣等昨日齊齊穿上泳裝宣傳無綫新劇《法證先鋒》，楊秀惠以三點式成功搶鏡，而女主角鍾嘉欣雖然較為密實，但玩遊戲時瞓身谷胸，美好身材表露無遺。
鍾嘉欣、蒙嘉慧、楊秀惠、陳自瑤、李思欣及林文龍等昨日於美麗華酒店室內泳池，宣傳無綫新劇《法證先鋒》。眾女藝人穿上泳衣玩遊戲，其中以楊秀惠的三點式最為性感。身為女主角的蒙嘉慧原本打算以白色三點式上陣，但當得知要落水玩遊戲後，即打消念頭，故一直沒有除去吊帶連身裙。
似縮水背心
蒙嘉慧又大讚楊秀惠的身材弗，問她是否擔心被比下去時，蒙嘉慧說：「冇所謂喇！我向來都冇㗎喇！而且我本身又唔係sell身材。」至於另一女主角鍾嘉欣雖然沒有穿性感泳衣，但玩遊戲時相當投入，因而令美好身材盡現，她表示此乃性感極限：「我游水都只係着一件頭泳衣再加件T恤，泳衣都有好多款，唔可以成日都咁少布，最緊要係適合自己。」
楊秀惠憑三點式搶盡風頭，問她會否怕走光，她說：「冇貼膠紙，不過我條帶綁得好實，所以唔驚。Bobby（歐陽震華）之前成日笑我面腫身又腫，仲講笑話叫我買抽濕機抽水腫，之後我就積極減肥。」
此外，問到林文龍可覺得大飽眼福時，他說：「有乜嘢好唔好睇先？我又冇行埋去，又唔係選港姐，唔通逐個逐個睇？況且呢啲都叫三點式呀？我覺得只係縮水小背心。」
採訪：王崇穎 攝影：葉君海
