羅家英的女友汪明荃有機會參與新一輯《向世界出發》，有份拍攝上一輯的他也表示很想再跟隨大隊放眼世界，但因已跟亞視簽約，他笑言相信演出機會微乎其微。
羅蘭盼遊以色列
至於羅蘭月前隨《向世界出發》到意大利梵蒂岡拍攝時，有幸與教宗握手，令身為天主教教徒的她一償多年來的心願，對此行自是十分難忘。昨日羅蘭表示若無綫再找她，她定必參與演出，她在電話中說：「我已經去過一次，所以無綫再搵我去嘅可能性好低，但如果你問到我仲想去邊度嘅話，我最想去以色列，因為以色列係聖地，雖然97年朝聖嗰陣我都去過，但跟團同拍嘢好唔同，睇嘅嘢會深入好多。」
羅蘭又表示到以色列可介紹耶穌收門徒的地方，及聖母與聖若瑟居住的村落，她說：「上次我仲食過聖伯多祿釣嘅魚（指聖伯多祿當年捕魚的地方），啲魚嘅味道好似鰂魚咁，不過佢哋係用燒嘅方式烹調，如果換咗用薑葱嚟蒸咁就好啦。」