任達華琦琦夫婦昨日往尖沙嘴出席眼鏡店開幕活動，提到全城熱話的世界盃，華仔指這是長達一個月的戰爭，必會堅持到底看畢64場賽事。華仔近日眼睛敏感，遇強光便流眼水，在旁的愛妻琦琦即怪責他過份狂熱睇波所致。
任達華和太太琦琦、名模陳嘉容及周倩圯昨日往尖沙嘴，出席高登眼鏡的旗艦店開幕。華仔昨日表示近期眼睛敏感，一遇強光便流眼水，在旁的琦琦即說：「睇波囉，有波睇，老婆都唔要啦！佢好誇張，出街睇完返屋企仲會睇重播，連汁都撈埋。」
華仔說：「睇世界盃係我一個月嘅戰爭，我一定會睇足64場賽事。」問華仔另一全城熱話「巴士阿叔」事件，他則說：「佢（指阿叔）自己嘅態度都好有問題，第一次（巴士鬧人）人哋已經原諒咗你，就好應該珍惜啦，仲做埋啲咁嘅嘢（指召妓）。」
乖女尿迹弄污裙
華仔續說：「你有壓力，扒王之王所有員工都有壓力，成件事好似鬧劇咁，人哋原諒你，仲搞咁多嘢，我都有壓力啦，我要拍戲、拍廣告、湊女，仲要睇波㖭。」問華仔有甚麼說話寄語「巴士阿叔」？他說：「要自我努力、自我檢討囉。」
一身Pucci彩色上衣配黑褲的琦琦透露昨日本來穿裙子出席活動，但出門前抱抱女兒，女兒竟撒尿在她的裙子上，惟有匆忙換上長褲。此外，琦琦指她是不折不扣的太陽眼鏡迷，她說：「我每次去歐洲一定狂買太陽眼鏡，上次去巴黎影相得番半日時間，我都買咗30,000蚊太陽眼鏡返香港。」
採訪：DebbieLum
攝影：RickyIp
