上星期六瑞典爆冷俾千里達迫和已經瘀到痹，原來單嘢仲有下文，中場龍格保同後衞美爾保賽後喺更衣室互相用粗口問候對方，最後仲講埋手㖭！原因係龍格保覺得美爾保啲長傳成日嘥晒進攻機會，賽後「互片」對方表現差。呢單嘢喺02世盃早有前科，話說嗰陣操練，龍格保不滿美爾保粗野攔截佢而搞到互相推撞，今次兩位因失分又推卸責任，咪再嘈交囉！