球迷寧願睇法網
墨西哥對伊朗與法網決賽撞到正，你估歐洲人會鍾意睇世盃抑或拿度大戰費達拿呢？答案是後者。故事發生在法蘭克福一間酒吧，兩幫客人為了世盃與法網作出投票抉選，結果少數服從多數，足球迷要等法網完結後才能轉台睇波。其中一個等睇波的澳洲球迷，就趁法網進行時看過本報世盃特刊，雖然看不懂文字，但就大讚設計精美，果然識貨。
李勇明
曾採訪世界盃、歐洲國家盃、奧運、亞運等大賽，身經百戰。
我不要花粉症！
最近走過法蘭克福的萊茵河，被天上飛來的「棉花」（蒲公英的花粉）弄到臉部痕癢無比。看到周圍都如相片中一堆堆棉花，頓時想起若干年前在英國留學時，又是6月時分，被討厭的花粉搞到染上花粉症，整天流着鼻涕、又淚流滿面；足足病了1個月。希望今次能大步檻過，不要再受花粉之痛了。
徐嘉華
採訪過無數大賽，最鍾意捐窿捐罅搵題材，今次德國之行啱晒我。
向英國球迷致敬
呢日英格蘭大戰巴拉圭，我覺得英格蘭球迷比場波更吸引。成日聽到英迷好瘋狂，親身體會後，認為佢哋瘋狂只係吶喊唱歌打氣夠大聲，其實好自律，態度友善，又夠齊心。賽後大家喺球場外企足個半個鐘，為嘅就係等英軍旅遊巴離場一刻，向車上球員打氣致謝。個半鐘裏面，英迷就不停唱打氣歌，甚至國歌。呢份團結及愛國精神，其實幾令人感動。
朱冠恆
肩負現場直擊畀料重任，無論你當我名家抑或明燈，都希望交到功課。
