今屆F組冇一隊係魚腩，相信巴西都唔敢輕敵。連續第三屆殺入世界盃決賽周嘅克羅地亞，單睇外圍賽成績好似幾好，7勝3和未輸過，並以首名出線，同組仲有強隊瑞典，不過呢啲賽績都係俱往矣，入得決賽周嘅隊伍，都有番咁上下斤両。
克羅地亞球員冇錯身型係唔錯，但年長兼速度慢，陣中後防主力羅拔高華同史米都年過30，對住巴西新3R組合，睇嚟都係畀人推左走右入埋波，而入球主力之一嘅柏素，雖然外圍賽有5個士哥，但把握力其實唔係真係咁高。巴西對比克羅地亞，實在超晒班，而且巴西班球員喺自己效力嘅球隊度，大部份有正選踢，狀態無須懷疑，唔同克羅地亞中後場球員，多數喺球會度坐後備席廂。
1.4倍主勝穩陣
睇番賠率，讓球主客和主勝2.05倍似乎太好分，令我諗起前日葡萄牙以1:0小勝安哥拉，害死唔少上盤客，今場有可能係一場翻版。再講以巴西嘅實力，佢有權控制戰局，安全計似乎1.4倍主勝較穩陣。此外，我都會小敲讓球主客和嘅和局。
Wendy球彩台《06世界BAR》主持
今日播映時間：7:00pm至5:30am
PHONE波熱線：1831678