王晶（右二）、劉偉強、文雋同吳志雄一班影圈老友開嘅寧記火鍋，第四間分店噚日喺尖沙嘴開張，張文慈、李蕙敏同謝天華都有嚟到賀。王晶近年喺內地製作唔少劇集，王晶話已經買咗亦舒三本小說，包括《喜寶》、《玫瑰的故事》同《流金歲月》，會翻拍成劇集，𠵱家仲諗緊搵邊個女主角做，好大機會三套劇都係同一個女星做女主角。