黃聖依同周星馳公司嘅合約糾紛到𠵱家都未搞掂，但黃聖依似乎唔理咁多，佢一直都冇停過私底下接工作，拍完劇又拍戲，好似佢之前就同黃子華合作拍咗部新片《終極忍者》，而原來早排佢又秘密簽約出唱片，𠵱家隻碟已經錄好音，好快就會面世，好多人都好奇怪，點解黃聖依咁樣違約法，都可以冇事，究竟星爺公司係咪真係唔追究？
馮仁昭四出打探先知道下個月中呢單違約官司案會喺香港開庭，黃聖依就已經肯定唔會自己出庭，只會搵代表律師嚟出庭。如果黃聖依連香港法律都唔理，咁下一步星爺就會喺內地再請律師告佢。
積極排舞
不過𠵱家黃聖依乜都唔理，喺內地繼續忙佢自己嘅工作，擔任佢排舞老師嘅陳剛就大讚佢舞蹈基本功唔錯，以黃聖依嘅舞蹈底子，根本唔使搵人教佢跳舞，所以佢請陳剛幫佢新歌排舞，真係令人有啲意外。
