做零售銀行呢幾年已經唔易，既要搵大客，又唔想放棄大眾市民，所以要做得好就更難，班賓卡個個牙痛咁聲。恒生銀行剛剛喺《亞洲銀行家》雜誌搞嘅「2006年零售理財服務卓越大獎」中連攞3個獎項，所以非常高興。
恒生班賓卡喺呢個比賽中，fight低咗120個來自亞太區的同行，攞到「亞洲最佳零售銀行獎」、「香港最佳零售銀行獎」及「財富管理卓越獎」，努力有人認同，大家對住柯清輝時，都唔使咁慘。
恒生威威，佢阿媽滙豐都唔弱，喺「零售金融服務優越大獎」中，憑香港嘅業務攞到「亞洲最佳區域零售業務」獎，喺「優越零售金融服務優越大獎」內取得亞洲最佳區域零售業務、中小企業銀行業務卓越大獎，以及中國、汶萊及斯里蘭卡區域嘅最佳外資零售銀行；可謂滿載而歸。