啱啱過去嘅星期六，除咗有英格蘭對巴拉圭外，仲有新1期《AutoEXPRESS》到手等住我去睇，忙呢？講番今期《AutoEXPRESS》先，當上封面之車的是新版歐寶Astra，雖然相片還是新車設計中的預想圖，但揭背車跟略帶跑車味道的Style則肯定已經成為定局，並會視福特Focus為主要針對目標。引擎配搭則跟現有的Astra車系相近，同時又會加入1台1.7公升Turbo引擎，睇落好似好勁咁喎，之但係新車要到2008年先推出，咪即係仲有排等？
揭背車大對決
今期書後半部講嘅咁啱又係揭背車，不過用作測試嘅係3部頂級掀背車，分別係MiniCooperS、福士PoloGTI同埋福特FiestaST。一如以往，他們又是針對造型、車廂鋪排跟性能表現3方面作比試，最後由MiniCooperS勝出，原因是它不論造型跟操控表現都遠勝對手，但略高的車價卻是它的缺點。
記者：鄭達基