英格蘭門將羅賓遜涉嫌串謀波友呃莊家錢?冇錯!如果唔係,佢冇理由可以喺對巴拉圭場波一腳踢爆咗個掛喺85呎高嘅電視機!據報有球迷想投注「立博」嘅特別盤口,無厘頭想買有球員開死球或生球時,可以踢爆懸掛喺場中間嘅巨型電視機。不過「立博」就拒絕受注。點知羅賓遜真係喺上星期六場波踢爆咗場中電視。我世盃判官都有啲質疑,世事有冇咁「啱」先?