有份參與演唱《金牌女兒紅》大碟的幾位無綫姐仔廖碧兒、鍾嘉欣、楊秀惠和陳敏之，昨日為宣傳新碟在觀塘apm現場演繹新歌，四人都表示緊張至手心冒汗。楊秀惠以吊帶背心配熱褲示人，大騷美腿，鍾嘉欣在簽名會上則不慎春光乍洩。
廖碧兒、鍾嘉欣、楊秀惠和陳敏之昨日齊到觀塘出席「apm×金牌女兒紅簽唱會」，四人先後在台上演繹新歌，再與歌迷齊齊玩遊戲。身穿低胸背心的鍾嘉欣雖然做足安全措施，以白色tubetop打底，又不時檢查有否走光，沒想到她彎身與一名小女孩合照時，一時忘形終致春光乍洩。
同情森美
鍾嘉欣事後說：「我好緊張，唔知今日得四個女仔宣傳，仲係要打頭陣。今次係第二次唱live，第一次喺商場唱歌，我知道隻碟賣得非常好成績，我自己都想買番隻，點知買唔到。」
至於廖碧兒和楊秀惠則分別穿上今年流行的短褲示人，但因楊秀惠的牛仔短褲又短又貼身，將其修長美腿表露無遺，成功搶鏡。對於被指穿熱褲賣大包獻唱，楊秀惠笑說：「我冇賣大包，我上面個包唔係大包，今次賣大髀，我知自己有啲地方不足。」
此外，廖碧兒曾入圍森美小儀《架勢堂》舉辦的「我最想非禮嘅香港女藝人」網上選舉，對於森美辭去中大教席及遭電台停薪留職兩個月的下場，廖碧兒說：「佢係一個先生，又係一個公眾人物，大學可能唔想有負面新聞，大學唔請佢係有佢理由，相信佢都好唔開心。」
採訪：楊潔雯 攝影：陳順禎
