金紫荊獎頒獎典禮唔經唔覺已經舉辦咗10屆，每年都係趕在4月香港電影金像獎頒獎典禮前舉行，但今年嘅頒獎禮會定喺7月13日舉行。
金紫荊主席蔡繼光就解釋話延期係同改制有關，佢話：「首先係因為3、4月份，同時有太多電影節同電影頒獎禮舉行，因為唔想混淆，所以延遲舉行。而今年金紫荊獎就成立咗一個金紫荊文化發展基金部，負責籌辦頒獎禮，而今年參選嘅電影會以05年全年到今年5月尾嘅戲嚟計算。至於出年就會用番一年期計算。」
鳳凰衛視播映
蔡繼光仲話金紫荊獎同其他獎項唔同嘅地方係就算套電影未上映都可以參選，以求做到金紫荊獎以推廣同提高欣賞水平嘅目的。而為咗達到收支平衡，所有參選電影無論有幾多個提名都會收取800蚊報名費，而播映權就由鳳凰衛視奪得。蔡繼光話目前嘅運作由20人組成嘅籌委會負責，成員主要係影評人同文化人士。
