香港醫學會嘅改選上星期五截止報名，現任會長蔡堅成功自動當選，因為除咗佢報名，都冇第二個人同佢爭。其餘兩個副主席史泰祖同朱建華，都係冇人挑戰佢哋，可以繼續坐第二把交椅，司庫繼續由周伯展做。
人哋自動當選都唔使靠封殺對手，因為唔少人覺得蔡堅做得好，大家舉腳贊成佢繼續做，有啲甚至叫佢唔好咁勤力做會務。想自動當選嘅煲呔，好心就學吓人哋啦，唔好成日諗住勸退陳太。
有醫生同八方講，蔡堅好有家底，佢大學考完升班試，屋企畀佢嘅獎勵係一部蓮花跑車！加埋佢執業咁耐，生活一定唔使憂，可全力做公職。除咗佢之外，睇怕都冇乜人會咁多時間同心機搞會務啦。
傳真︰2623-9278
電郵︰[email protected]