胡美儀（左）前晚喺灣仔新伊館為關懷聽覺音樂會做表演嘉賓，佢早排啱啱喺美加做完表演返嚟，原來嗰段時間，佢老公毛俊輝隻耳仔突然失聰，胡美儀話：「老公做完嘢先返香港，我就繼續留喺美加，點知老公返到香港後，發現耳仔聽唔到嘢，睇完醫生先知係疲勞過度搞到耳仔發炎，呢段時間，我同老公失咗聯絡，後尾老公可以聽番嘢，大家先聯絡到。」