官恩娜（Ella）和原子鏸昨日以舞蹈節大使身份出席活動，並示範一系列綠化心靈舞蹈。一向身材豐滿的Ella上圍突然縮水，她表示公司勒令減肥10磅，但她不擔心上圍降cup，因為可以後天加建。
官恩娜、原子鏸、傅潔恩和馮雲黛等昨日以舞蹈節大使身份於灣仔演藝學院，出席香港舞蹈節開幕活動，Ella和原子鏸更即場表演一系列綠化心靈減壓舞步。
稱上圍多脂肪
現場所見，一向身材豐滿的Ella，上圍有縮水之嫌，她對此笑說：「因為公司下聖旨叫我減肥，已經減咗四磅，希望可以再減多六磅，上圍係有少少降cup，因為上圍多脂肪，瘦就瘦喺呢個地方。我唔擔心上圍過瘦，因為可以後天加建。」
Ella又透露自小已很想學習跳舞：「細個好想學跳舞，不過媽咪喺我八歲嗰年要我學彈琴，跳舞好好，可以怡情養性，身材都好啲，我就好鍾意廖碧兒，同埋跳舞啲人表達情感都易啲，自己入行時就跳Sasha。」
自資CD等混音
此外，原子鏸透露近日忙於籌備首張自資CD，她說：「自己啱啱喺LA返嚟，忙緊自己投資嘅國語CD，其實已經錄好晒歌，等緊後期mixing。今次自己都作咗一首歌，希望下次有機會唱英文歌，而黃宇詩都有份幫我繙譯。」問有否向前男友鄧健泓取經時，她說：「冇，不過我會送一隻CD畀佢。」
採訪：JessicaNgan
攝影：ChenWaiOn
