人人睇波，前晚八方去開party，結果冇睇英格蘭場大戰。喺party中見到唐英年，佢同鄭維健、鄭海泉坐埋一齊，當然有講波經；鄭維健話佢鍾意德國隊，唐唐就話佢自己冇話捧邊隊，總之有好波就睇。揭幕戰德國雖然旗開得勝，但暴露咗後防好多漏洞，如果唔係哥斯達黎加嘅後防同德國一樣咁豆腐渣，德國分分鐘要失分。唐唐話，拿姆入嘅第一球波真係靚，佢就肯定唔識射，就算冇人嘜佢，畀佢喺嗰個位射，連龍門都射唔中啦！
睇唐唐個樣，都估到佢鍾意跑馬、飲紅酒多過踢波睇波；佢揭幕戰嗰晚睇咗半場就瞓覺，前晚八方見佢坐到好夜，一定睇唔到英格蘭對巴拉圭。
傳真︰2623-9278
電郵︰[email protected]