係英格蘭球迷嘅,請即學Fingercross

係英格蘭球迷嘅,請即學Fingercross

為了了解每個國家點樣慶祝世盃賽事,趁英格蘭首場比賽大戰巴拉圭當晚,記者專程走落蘭桂坊掃場,訪問唔同國籍人士。結果雖然係世界大同,各國慶祝習俗非常近似,不過配合各自的瘋狂行為、高調的化妝打扮,仍然可以將佢哋分得一清二楚。嗱,即學即用,如果你係捧英格蘭嘅,下次開波前記住做Fingercross喇!

記者:黃藹瑩 攝影:林栢鈞

Fingercross=GoodLuck

作為一個正宗英格蘭球迷,睇波的時候又需要點樣妝扮?Matthew話妝扮好視乎個人,不過重點都係賽前大家一定會唱吓EnglandSong,即係好民族的英國歌,並唔係Coldplay的歌,而且亦會做個團結手勢。Matthew:「這個團結手勢好簡單,食指同中指交叉叠着,這個Fingercross有GoodLuck同Altogether的意思。」

你鍾意隊波贏咗點慶祝?

英格蘭球迷:賽前Fingercross

典型的英格蘭球迷給人的感覺總是行為瘋狂、極度投入、一輸發狂、最愛搞事,總之都不會是太正面的形象。不過可能身在香港,沒有機會給一眾英格蘭球迷「發揮」,他們這樣的一面我就見不到。

■「66年後國家隊每4年就令我們痛心一次,今年希望會開心。」

David&Matthew:氣氛比想像中好

來香港工作了3個月的Matthew同David自言是一等一的球迷,當初他們知道要由英國來到香港工作,第一時間想到的問題就是世界盃,「怕睇波的氣氛同英國差好遠,雖然真係差少少,不過又比我想像中好。」Matthew一副感到好彩的樣子都幾搞笑,幾歲就開始踢波的他,那時視簡東拿為偶像,現在最喜愛的英格蘭球員則是里奧費迪南,Matthew句句「Ilovehim!Ilovehim!」就連他旁邊的朋友David都叫埋一份。唔知係咪想感染埋我,他們問我支持邊隊之時,我答「英格蘭」這個答案非常滿足到佢哋,但當佢哋知道我情迷隊長碧咸的時候,看得出他們帶着一絲妒忌說:「在英國,有哪個女孩不愛他?」我好膚淺,真係Sorry。

DaleJames:高唱改版英國民謠

Dale是酒吧的DJ,在英格蘭比賽前夕,他就會播英國歌,增加民族情緒,直至比賽前唱國歌為止。來了香港10年的他還是喜愛在家鄉英國睇波,「每個人都高唱大量英國民謠,有時這些民謠都會換上歌詞,大家齊齊唱的感覺已經好感動。」而據Dale說,《FootballisComingHome》和《TheEscape》都是最熱門的改編歌曲,英格蘭球迷早已琅琅上口,有興趣不妨上網搵搵。

支持球隊:英格蘭
最憎邊隊:德國

DezLau:賽前必去祈禱

贏波就講足成月,晚晚開Party喪飲的英格蘭球迷超麻煩就係人都知,若然輸波就立即反轉豬肚,打交、燒垃圾桶同打爛電話亭……在英國長大的英籍華人Dez卻為朵臭的英格蘭球迷平反:「其實好唔公平,英國人好紳士,做事都好Gentle,搞事球迷係小眾。點解英格蘭球迷會同Violence扯上關係?有冇搞錯!」咁又有幾Gentle呢?Dez話好多英國人都會在賽前祈禱。

支持球隊:英格蘭
最憎邊隊:阿根廷(佢哋驕傲)

意大利球迷:擺車龍繞城一周

一齊睇波,英格蘭幾次攻勢都令個波過龍門而不入,旁邊的老外好激氣仲激動到講廣東粗口,原來呢位可愛的意大利人叫Artiniliu。雖然採訪當日都未到佢祖國出賽,但一放工就立即爭取時間睇波,理得比緊賽的是碧咸定施丹,總之夠晒投入。同Artiniliu都準備好今晚9點為意大利隊打氣的Marco自認不像Artiniliu般是標準球迷,不過只要意大利一出賽,就點都要替祖國打氣。問他有沒有甚麼意大利傳統祝福手勢,佢話冇,祈禱就夠,意大利人樂天知命,今次唔得下次得。「在意大利,國家隊輸波時我們都不會破壞公物,大家只會收聲,停止討論,各自返屋企。如果是贏的話,我們全城的人都會上街呼叫,所有車輛無論四輪定兩輪都排成一條車龍,圍繞成個市行一周。」

(左起)Marco、Eva、Prami、Stephen同Artiniliu這個睇波組合全部人都捧英格蘭。

Marco
支持球隊:意大利
最憎邊隊:冇

Artiniliu
支持球隊:意大利
最憎邊隊:德國

喀麥隆球迷:跳舞=開心=GoodLuck

一向都是非洲勁旅的喀麥隆,今屆連世界盃32強都唔入,無緣見到球員入球後那些搞笑的舞姿、側手翻、前空翻同後空翻,實在有點可惜。來自喀麥隆的Coco來港旅遊,回想02年那屆世界盃喀麥隆進入16強,Coco無疑有點失落。點樣增加下屆喀麥隆的入圍機會?Coco立即跳起舞來,「我告訴你,跳舞可以開心,開心就會GoodLuck,試吓啦。」

Coco
支持球隊:英格蘭
最憎邊隊:冇喎

■Coco說多跳舞就會有運行。

(右一、二)Caroline、Britt是Coco的朋友,不過兩位小姐一定支持祖家英格蘭!

索爆女球迷:

Abby:順道經過香港玩幾日,不過這裏的氣氛都幾好。
Monica:第一次來香港,可能是世界盃的關係,呢度有好多香港人,佢哋好Nice。

Kate:我在香港工作,經常來這裏玩的,可能這裏是英國人開的,所以啲人都幾啱玩,仲有波睇,VeryGood。

Noraine:剛從澳洲來港,其實對睇世盃興趣不大,不過朋友來我就來。

支持球隊:巴西
最憎邊隊:英格蘭

支持球隊:德國
最憎邊隊:阿根廷