世盃開鑼，頭幾日已有德國、英格蘭等勁旅出場，好多人爭相申請收費電視，昅實世盃進級過程。不過喺網上好多討論區，卻瀰漫一種「免費午餐」風氣，3大P2P軟件成大熱，個個搶住Download（筆者姑隱軟件名稱），好能安坐家中不費分文，便能看到直播賽事。目前大部份網友均透過P2P渠道，收看大陸嘅CCTV體育5台，雖然直播中講國語，不過嘉賓評論時就用番廣東話，加上有曾志偉等人撐場，所以目前最受港人歡迎。
不過據報呢兩日好多「免費午餐」都出現問題，各大非法直播網站均被Block，尤其係有線寬頻嘅用家最多「苦水Post」，力數網絡供應商不是。大佬呀，家陣你唔只侵權，仲要阻人搵食喎，畀着我都Block晒佢啦！不過再諗深一層，呢類大陸網站好多都係個體戶，就算租用Server都唔會超越OnlineGame嗰種流量，所以面對世盃呢啲全民皆狂氣氛，網站大多負荷不了HitRate而停頓，變相一眾網友更難登入其網站。