萬事得Mazda3由推出至今已經3年，都係時間推出Facelifted新版啦；點知話口未完，廠方真係響日本幫佢出咗新版，仲加多套5前速自動波喎，特別版再加埋套Mazdaspeed跑車包圍，真係可以用型字嚟形容。
18吋軨大得嚇人！
講真，Facelifted新版Mazda3個Look已經好正，不過加多套Mazdapspeed包圍後，望落去仲更加似部跑車，點解？因為有齊新款頭泵把加SportyLook鬼面罩、車尾定翼同埋車身兩側裙腳之外，最正斗係有埋套大得嚇人嘅18吋跑車合金胎軨，再襯埋如TrueRed和CosmicBlueMica等4種專用車身色，你話係咪型咗好多啦！
仿桶形座椅好坐！
車廂色調以黑色為主，仿桶形跑車座椅更縫上紅線，軚盤跟波棍也改用真皮鑲嵌，腳掣也換上鋁合金製品，不論乘坐或駕駛感覺也不錯；引擎則是2.3公升DISITurbo型號，馬力及扭力輸出分別是264匹和38.7kgm，配埋6前速手動波箱，起步加速反應明顯比香港的1.5公升型號快好多。
記者：鄭達基