英國物理學家霍金來香港演講，全場滿座，就像李安的《斷背山》在香港竟有一千多萬票房、《達文西密碼》也熱賣，令人相當迷惑。
霍金講天文物理幾何學、量子力學、宇宙時空曲率，嘩，真的好深好深，居然還有大量觀眾，一定有華文輿論自豪地自言自語：「誰說我們反智？誰說香港人不喜歡追求知識？」令人深為感動。
然而，許多人卻一面聽，一面說「唔明喎」，還有人問：「是霍金勁啲還是愛因斯坦勁啲？」就像問「係碧咸好波啲還是朗拿度好波啲」，或者「係黎明識唱歌啲還是張學友唱得好啲」，並由此上溯至一八四○年鴉片戰爭之後的早期，許多女影迷熱烈討論「係陳寶珠靚啲還是蕭芳芳靚啲」一樣，幸好在科學館，沒有發生「霍金迷」和「愛恩Fan屎」兩大團體互片的場面，否則就像許多道德先生說的：「真係丟晒我們中國人的架。」
霍金講座，熱爆全城，並掀起一陣「物理熱」，證明董建華的「知識經濟轉型」，其實早已成功了。「你有冇去聽霍金？」成為中環由香港會至蘭桂坊此一圓周直徑涵蓋的宇宙之內，除了「最近有冇見Donald」之外的最流行的彗星話題。「有呀，我仲即場問佢：阿Stephen，你喺一九七一年所講嘅Singulartheorems，想證明喺時間同埋空間之中有一個叫Singularity嘅Condition存在，但係我睇咗哈佛另一個天文學大師HaroldBingham嘅Cosmo-mechanics嘅Theory有少少Contradict咗。咁佢記低咗我嘅問題，話從來冇喺呢個方向思考過，重攞埋我個電郵，叫我畀一個月時間佢，Givemeamonth，我會答到你咁講喎。」
至於在座的市民提出的問題，主持人丘成桐卻嚴格把關，聲稱要先行「篩選」，這無疑是對廣大市民的歧視。因為雖然許多市民會問：「霍金大師請問你有冇看過達文西密碼」、「霍金教授請問你作為一個英國人支不支持陳方安生出來挑戰曾蔭權」，或者一名大漢站起身吼問：「霍生，我阿爸係一個殘疾人士，好似你咁癱瘓在家，我要控訴特區政府對殘疾人士的社會福利嚴重低於國際先進國家標準，希望你代我們表達心聲，見到曾蔭權，代我哋小市民反映」，當主持人黑着臉，叫他「這個問題與題旨無關，請轉交社署官員」之際，大漢還高聲講粗口，被保安強拉出場，成為講座的一段插曲。
如果我在座，我會舉手問霍金：你點睇BusUncle？