陳奕迅出碟撞正世盃開鑼，昨日在屯門出席簽名會活動，他表示因為工作而錯過了世界盃英格蘭對巴拉圭的賽事，未知是否這原因，昨日他全程語無倫次，還說：「我係儍㗎。」
陳奕迅前晚到台灣出席第十七屆金曲獎後，昨日趕返港到屯門市廣場，舉行「陳奕迅GetALife演唱會LiveVCD/DVD簽名會」，Eason全程表現亢奮，滔滔不絕，胡言亂語一番，且公然向在場傳媒推銷有線電視。
台上自言自語
Eason談到金曲獎情況時，可能言語難以表達其想法，於是他說：「睇有線啦，好快就有得睇，應該𠵱家就有得睇（金曲獎），若果冇就申請啦，或者落bar睇囉。」
在台上準備替歌迷簽名時，Eason又自言自語一番，他說：「今日做DVD，但係全球都係世界盃，現場都係世界盃布置，真係諷刺。其實我都想踢波，畀個波我，乜都講波。」
問Eason為何選擇在世界盃期間推出演唱會影碟？他大聲說：「點鬼知咩，我唔知點解揀世界盃出㗎。」
Eason昨日身穿一件印有butpsychotic字樣的T恤，他搞笑地說：「知唔知點解？『但，我係儍㗎』咁解，我有時真係儍儍哋㗎。」
無緣睇英格蘭
當說起前晚的世界盃賽事時，Eason又一本正經地說：「我捧英格蘭，但要做嘢睇唔到，諗住錄低翻睇，點知只係錄到四分鐘廣告，下星期又要去印度做奧比斯探訪，好可惜又係睇唔到，唔好提喇。」
採訪、攝影：魯萍
