電訊市場消息多打從去年幾個對手有邊歸邊後（被收購或合併），「單身」的數碼通（315）傳聞不絕於耳，其一是指只得母公司新地（016）支持並不足夠，數碼通必會尋覓「另一半」抗衡其他對手；但傳得更盛的是該公司會再度易帥，行政總裁黎大鈞會離巢……而主角終於首度開腔，黎大鈞謂：「未有計劃，我諗係謠言！」意味到這刻為止，謠言仍是謠言。
不過，黎大鈞補充：「呢個世界冇嘢可以擔保，我一向宗旨係做到最好，有啲人話我計劃咗3年、5年……但長遠啲或者係有人撬走我，又或者老闆唔鍾意我……」。至於中移動（941）入股的謠言，他的答案是：「大股東冇同我講過！」
出位言論 個人標誌
黎大鈞是數碼通的首任董事總經理，92年帶領數碼通開展流動電話業務，有傳因為一筆撇賬引起新地不滿，導致96年他要離職。同年數碼通上市並換上伍清華執掌帥印，到了2001年，數碼通被擯出恒指成份股之外，新地找他回巢，取替史東出任行政總裁救亡。由那時起，他不時發表出位言論為數碼通護航，經典之一是以「神戶牛柳」和「魚蛋粉」，比喻數碼通和3香港的3G手機；甚至說對家的3G機應該攞去填海，之後「寸」就成了他的icon；但難得的是，連他的行家也認同佢「寸得起」。
展望下半年，黎大鈞繼續貫徹他「寸」的作風，「當市場打仗時我一定要奉陪……唔會帶頭減價，但面對挑戰時亦絕不手軟……」。
任由批評 淡然否認
那麼，電盈（008）免費試玩3G服務半年將於下個月期滿，數碼通有否為此做好搶客準備？「佢哋（4.5萬試玩電盈3G的人）玩完覺得冇癮就會轉台……」
如何看電盈這個財力雄厚的對手？「始終多一個brand響個市場……」
至於集團剛推出的一系列HSDPA（3.5G）流動寬頻服務，被分析員批評為冇市場，又被部份傳媒貶為劈價搶爛市，他的回應是：「唔係劈價，個餅（市場）經已響度……啲嘢係賣畀識嘢嘅人!」
記者：何凱兒
