世界盃熱潮席捲全城，本港各大商場乘勢舉辦各式各樣有關世界盃的活動作招徠，如前晚觀塘apm商場舉行「通宵瞓身睇世盃」，請來郭羨妮、李彩華和陳苑淇穿着性感睡衣行騷，向觀眾拋波時酥胸半露，現場瞬即升溫。
前晚觀塘apm商場舉行「通宵瞓身睇世盃」活動，除歡迎市民穿睡衣到場睇波外，更請來郭羨妮、李彩華（Rain）和陳苑淇擔任「睡衣派對」嘉賓，三人穿着性感睡衣行catwalk，吸引數百市民圍觀。三位靚女中，以阿Rain表現最為風騷，行騷時又摸大腿又俯身拋足球，施展渾身解數向fans獻媚。
怕T-back「𠝹𠝹吓」
而陳苑淇坐下時一度露出打底褲，有觀眾即時提點大叫「走光」，至於身材惹火的郭羨妮為怕春光乍洩而表現拘謹，被表現風騷的阿Rain搶去不少風頭。事後問阿Rain在家中可會穿着性感睡衣？她揚言怕冷氣凍，所以只會作收藏，阿Rain說：「我有二十幾套性感睡衣同內衣，部份係男性朋友喺我生日時送嚟整蠱我。平時我唔會着嗰啲T-back，因為𠝹吓𠝹吓好辛苦。」
前晚郭羨妮首次着睡衣行catwalk，記者問她可怕被人睇蝕？郭羨妮說：「好在打晒底黐晒嘢，冇破綻。」郭羨妮表示球星中最喜歡英格蘭的碧咸（DavidBeckham），因她的祖父是英國人，自己有四分之一英國血統。
克勤撐英格蘭
大會在睡衣派對後舉行「一腳踢入apm瞓身投入睇世界盃」活動，請來周麗淇、2R、張繼聰和葉宇澄與現埸觀眾玩遊戲。周麗淇表示最喜歡巴西的朗拿甸奴（Ronaldinho），雖然不夠俊朗，但最欣賞他的球技。
此外，昨晚英格蘭對巴拉圭賽事備受矚目，觀塘apm也有舉辦睇波活動，邀請了支持英格蘭的李克勤出席，克勤身穿印上自己名字的英格蘭10號球衣亮相，整個商場有近500名球迷圍觀，約200名球迷在觀眾席欣賞賽事，當中大部份人支持英格蘭，只有少數球迷支持巴拉圭。
採訪：駱華齡、李珮洳
攝影：葉君海、陳順禎
