身材與外貌是女星必殺技，入行10年，張文慈靠的正是這武器，所以，別人留意到的，也只是其性感。但靠身材又可以維持幾多年，遇着比她年輕、因拍《情陷之中環2》而傳不和的葉璇，張文慈明白性感就尤如一把雙面刃，終有一日會害了自己，張文慈說：「我點會唔知？過埋呢套劇，我會休戰。」換言之會與死敵葉璇鬥完最後一鋪後，便會收起性感。 撰文：魯萍
性感 身材累死自己
張文慈10年前選亞姐三甲不入，傳媒投票，以身材鬥贏所有佳麗，奪最完美體態獎，最後，原來還要靠身材食糊。今日談Pinky，始終仍與身材扯上關係，性感，原來才是她最厲害的武器，而且從沒改變過。Pinky當然明白，男人靠樣靠打，女人靠身材，始終難以長存。
少布先被留意
「我點會唔知？過埋呢套《情陷夜中環2》啦！我會休戰。我知道俾人定型唔好，亦一直奉行適可而止。唔明嘅係，都係嗰件背心、牛仔褲，點解第二個着就冇嘢？換轉我就話係性感呢？」若閣下是林青霞、張曼玉，的確會不同，感官世界，無公平標準。
「坦白講，我有問自己係咪鋪鋪要着到咁『行』，真係吓吓要少布先有人留意？再咁落去，最犀利嘅武器，只會變成一把利刀，自己插死自己，所以我至打算過埋套劇會收起性感。雖然唔知會變成點，但我覺得應該要踏出呢一步，或者係時候去試吓其他嘢，唔可以講以後一定唔着（性感衫），工作需要冇辦法，唔通你要我着件樽領衫行出嚟咩？」
收起王牌，Pinky還有甚麼殺着?
「我又唔係偶像派，入行10年，梗有我嘅價值，如果唔係都唔可以生存到𠵱家，邊個唔想有好戲演？我都想試多啲唔同角色，其實《情2》入面我都有突破，唔好睇死我只可以性感，做壞女人，今次個角色呢兩樣都冇喎！如果我真係得一招，公司都唔會畀機會我試喇！」
攝影：丁寧
化妝：HeidiKam
髮型：PatrickSoofHair
場地：Hair
