身在日本東京的古巨基及林海峰，當然不會錯過德國與哥斯達黎加的世盃揭幕戰，兩人昨日凌晨在日本國腳中田英壽開設的nakata.netCafe與百多位日本球迷齊齊睇波。
基仔和林海峰看得相當投入，不時緊握雙拳咬牙切齒，當德國領先3:1，被哥斯達黎加射入一球追近比數時，捧着熱茶的基仔竟整個人彈起來，不慎將熱茶潑到自己及林海峰身上，二人即哈哈大笑。最後德國以4:2勝出，一眾德國擁躉即歡呼尖叫，基仔和林海峰也拍掌附和。
基仔說：「好少第一場賽事入到六粒波咁多，講實力，德國被睇高一線，不過哥斯達黎加表現都好好，入嗰兩球都好精采。我最捧巴西隊，我鍾意細哨朗拿甸奴嘛，巴西出賽我一定唔會錯過！」
採訪、攝影：蔡如玉