張栢芝同嚴浩（中）喺內地拍劇集《周璇》，有傳因劇組拖人工，搞到佢哋劈炮返香港。栢芝經理人李小姐噚日話：「劇組因為滙款延遲咗，但通知我哋禮拜一可以收到全部尾數。據我所知，嚴浩啲尾期酬金都會搞掂埋，所以如果呢幾日嚴浩出聲要補戲，我哋都會度期畀佢，其實齣劇拍晒，嚴浩有部份場面覺得唔好，想補多兩日戲。」