阿叔林尚義口邊常常掛着一句名言「足球評述員絕對要中肯」，身為德國足球隊擁躉的阿叔，直指德國隊防守不濟，奪世界盃機會不大。
阿叔、薛凱琪（Fiona）和陳苑淇昨日在尖沙嘴出席世界盃活動，對於前晚舉行的德國對哥斯達黎加賽事，阿叔表示德國表現失準，他說：「佢哋表現差，冇防守，後防只係識一字排。對住呢隊都俾人入兩球，咁對住強隊點算？碧根鮑華（FranzBeckenbauer）嗰時都識做清道夫。我90年就捧德國，今年我覺得係巴西有機會。」
只識讚好波
Fiona和葉宇澄看電視片段做評述員，但她不懂足球，只是說「好嘢！好波！」等評語，Fiona又說：「有次世界盃期間撞正生日，搞咗個派對，點知啲朋友嚟到只係顧住睇波，今年我知道鄭融都唔睇波，我可以約佢去街。」
採訪：王連連 攝影：陳志嵐