韓國小天王SE7EN同日本組合嵐嘅成員松本潤噚日到台灣，擔任金曲獎嘉賓。SE7EN原本上晝到，點知護照過期唔准上機，只好緊急再辦護照，然後改搭下班飛機，所以遲咗三個鐘先到台北。 至於松本潤就有成百名fans去接機，嚇咗佢一跳，自己受歡迎，梗係開心啦，不過現場情況好亂，仲有女歌迷跌倒，而松本潤就好親民，一直保持笑容。