葉世榮拜祭家駒

葉世榮拜祭家駒

噚日係樂隊Beyond前主音歌手黃家駒嘅生忌，葉世榮噚日去省善真堂拜祭，又買咗唔少紙紮品好似八達通卡、運動衫、火機同電話等。
拜完家駒後，世榮又去拜祭阿梅，世榮話：「今日我要去北京開演唱會，所以我冇等佢哋，自己嚟拜佢先，我希望家駒可以快啲投到胎，等陣我會再過埋將軍澳華人永遠墳場再拜家駒，跟住就要趕去機場。」

世榮噚日到省善真堂拜祭家駒（圖），之後就趕去機場。