LotusElise好難玩、車價貴，廠方為咗呢班咁麻煩嘅Fans，特別推出全新EliseS入門版，雖然肯定佢嘅性能表現一定無其他同門師兄咁好，但這位師弟最啱初次玩Elise嘅「粉絲」。
連我望嚟望去都唔覺得全新EliseS喺外觀上，跟其他同門師兄弟有咩分別，但我卻知道車重只有860kg，內裏嘅輕量化鋁合金車架，原來曾經獲得多個獎項。今趟廠方仲特別為車子裝上一台源自豐田的1.8公升直4VVT引擎，馬力跟扭力輸出分別為136ps/6,200rpm及17.6kgm/4,200rpm，波箱則是5前速手動款式，再加埋部車輕到只有860kg，唔怪得部車0至100km只要6.4秒，嗰啲所謂跑車行埋一邊罷啦！
另外，部車咁好力，當然個Brake都要有番咁上下啦，所以廠方都特別為EliseS的前輪裝上APRacing制動卡鉗，而後輪則為Brembo制動，制動效能出色得很，ABS系統也帶來更安全的駕駛感受。
記者：鄭達基